غزہ اور لبنان میں اسرائیلی حملے، سات افراد شہید

اسرائیل کی جارحیت ایک بار پھر بڑھ گئی ہے اور رپورٹس کے مطابق غزہ اور لبنان میں اسرائیلی حملے جاری رہنے سے 7 افراد شہید اور 4 عمارتیں تباہ ہو گئیں۔ اسرائیلی فورسز نے جنگ بندی معاہدے کی کھلم کھلا خلاف ورزی کرتے ہوئے رہائشی علاقوں کو نشانہ بنایا، جس سے حالات مزید خراب ہوگئے۔

غزہ میں اسرائیلی فوج نے رفح سمیت مختلف علاقوں میں کارروائیاں کیں۔ ان حملوں کے نتیجے میں ایک ہی دن میں 7 فلسطینی شہید ہوئے، جبکہ کئی علاقوں میں گھروں اور بجلی کے ڈھانچوں کو بھی نقصان پہنچا۔ شہریوں نے بتایا کہ حملوں کے دوران خوف اور بےچینی میں اضافہ ہوا۔

صیہونی فوج نے دعویٰ کیا ہے کہ رفح میں ایک کارروائی کے دوران انہوں نے حماس کے ایک کمانڈر کو بھی ہلاک کیا ہے، تاہم فلسطینی حکام نے اس دعوے کی تصدیق نہیں کی۔ حملوں کے باعث مقامی لوگوں کی مشکلات میں مزید اضافہ ہوا ہے۔

مزید پڑھیں اقوام متحدہ: غزہ میں اسرائیلی جنگی جرائم کے شواہد موجود

اسرائیلی وزیردفاع نے ہٹ دھرمی کا مظاہرہ کرتے ہوئے کہا کہ غزہ میں کارروائیاں پوری طاقت کے ساتھ جاری رہیں گی۔ فلسطینی وزارت صحت کے مطابق جنگ بندی کے بعد سے اب تک 360 فلسطینی شہید اور 900 سے زائد زخمی ہوچکے ہیں، جبکہ جنگ کے آغاز سے اب تک 70 ہزار سے زیادہ افراد جان سے ہاتھ دھو بیٹھے ہیں۔

لبنان میں بھی غزہ اور لبنان میں اسرائیلی حملے جاری رہے، جہاں جنوبی لبنان میں اسرائیلی طیاروں نے بمباری کرکے 4 رہائشی عمارتیں تباہ کر دیں۔ اسرائیلی فوج نے کہا کہ انہوں نے حزب اللہ کے اسلحہ گوداموں کو نشانہ بنایا، لیکن لبنانی حکام کا کہنا ہے کہ عام شہریوں کے گھروں کو شدید نقصان پہنچا ہے۔